2026-yil uchun reja — 54 mln kVt·soat. Yuqori suv oqimi tufayli reja birinchi yarim yillikdayoq deyarli bajarilgan.
Filial direktori Ibragimjon Rahmanovning jurnalistlar uchun o‘tkazilgan taqdimotdagi ma’lumotiga ko‘ra, 2026-yil uchun ishlab chiqarish rejasi 54 mln kVt·soatni tashkil etadi va u birinchi yarim yillikdayoq deyarli bajarilgan. Yog‘ingarchilik ko‘p bo‘lgani sababli suv oqimi yuqori, gidroagregatlar to‘liq quvvatda ishlamoqda — filial yillik rejani oshirib bajarishni kutmoqda.
So‘nggi to‘rt yilda stansiyada yirik modernizatsiya ishlari bajarilgan: 37 ta pyezometrga yevropa standartidagi datchiklar o‘rnatilgan, boshqaruv tizimlari va dasturiy ta’minot to‘liq yangilangan, dispetcherlik uskunalari almashtirilgan, gidrotexnika inshootlari kapital ta’mirlangan. Serbiyadan xarid qilingan uskunalar bilan moy-bosim qurilmasi modernizatsiya qilingan, zatvorlar ta’mirlanib, metall konstruksiyalarga korroziyaga qarshi ishlov berilgan.
GES va suv omborida 77 nafar xodim ishlaydi, ularning yarmidan ko‘pi yosh mutaxassislar. Suv ombori suvi sifati haftasiga ikki marta o‘n nuqtada tekshiriladi.
Manba: Anhor.uz